Ym mis Mehefin a mis Gorffennaf, hwylusodd Uned Atal Trais Cymru ddwy Ford Gron gyda gweithwyr proffesiynol ledled Cymru a archwiliodd sut i greu Cymru Heb Drais. Canolbwyntiodd y gyfres Bord Gron ar y ffordd y gallem ddefnyddio gwyddorau ymddygiadol i ddeall a rhoi dull iechyd y cyhoedd o roi diwedd ar drais ar waith, a chafodd ei darparu mewn partneriaeth ag Uned Gwyddorau Ymddygiadol Iechyd Cyhoeddus Cymru (BSU).
Cychwynnodd y sesiwn gyntaf drwy ddiwygio Fframwaith Cymru Heb Drais, a chyflwyniad ar sut y gellir defnyddio gwyddorau ymddygiadol i ddeall y gwahanol rwystrau a hwyluswyr er mwyn mabwysiadu'r ymddygiadau sydd eu hangen i roi dull iechyd y cyhoedd ar waith. Gwnaeth cyfranogwyr hefyd rannu'r ffordd y maent wedi defnyddio'r Fframwaith yn eu gwaith. Yn ystod y sesiynau trafod a hwyluswyd gan yr Uned Atal Trais a'r Uned Gwyddorau Ymddygiadol, defnyddiodd y cyfranogwyr naw egwyddor atal trais y Fframwaith i nodi ymddygiadau neu arferion craidd sydd eu hangen ar gyfer dull iechyd y cyhoedd. Roedd y rhain yn cynnwys ymddygiadau fel ‘ymgysylltu â rhwydweithiau rhannu data’ a ‘defnyddio dulliau ymgysylltu cymwys yn ddiwylliannol”.
Yn yr ail sesiwn, cafodd y cyfranogwyr eu cefnogi i nodi'r rhwystrau a'r hwyluswyr i fabwysiadu'r ymddygiadau craidd. Gallai'r rhwystrau a'r hwyluswyr hyn fod yn gysylltiedig â gwybodaeth, er enghraifft ddim yn gwybod sut i gysylltu â gwasanaeth, neu systemau, fel ddim yn gallu rhannu gwybodaeth, neu hyder hyd yn oed, er enghraifft ddim wedi cael digon o ymarfer i gasglu mathau penodol o ddata. Bydd cael gwell dealltwriaeth o'r rhwystrau a wynebir gan weithwyr proffesiynol yn galluogi'r Uned Atal Trais i ddatblygu ein cynnig i gael cymorth yn unol ag anghenion pobl sy'n gweithio i atal trais yng Nghymru.
Rhoddodd y sesiynau Bord Gron ganfyddiadau diddorol ar y rhwystrau a'r hwyluswyr ar gyfer yr ymddygiadau priodol i roi'r Fframwaith ar waith. Yn dilyn y sesiynau hyn, bydd yr Uned Atal Trais yn defnyddio'r canfyddiadau hyn a'u cynnwys o fewn ein Cynllun Gweithredu Cymru Heb Drais. Bydd y cynllun hwn yn manylu ar y cymorth y bydd yr Uned Atal Trais yn ei gynnig i'w bartneriaid dros y flwyddyn nesaf, er mwyn cefnogi dull iechyd y cyhoedd tuag at atal trais yng Nghymru.
Os oes gennych ddiddordeb mewn dysgu mwy am y Gyfres Bord Gron, cliciwch yma i ddarllen yr adroddiad - bydd adroddiad yn manylu ar ganfyddiadau'r sesiynau ar gael yn fuan, cysylltwch â ni i gael rhagor o wybodaeth.
“Rwy'n deall y dull yn well ac yn teimlo'n fwy hyderus yn ei roi ar waith. Gwnes i fwynhau'r trafodaethau ac mae wedi rhoi rhywbeth i mi feddwl amdano."
Cyfranogwr