Seminar yr Hydref Cymru Heb Drais

I ddysgu mwy am y tueddiadau, darllenwch ein hadroddiadau ar Borth Atal Trais Cymru. Cliciwch yma i gofrestru ar gyfer creu cyfrif ar Borth Atal Trais Cymru (defnyddiwch gyfeiriad e-bost sefydliadol wrth gofrestru ar gyfer y porth).

Rhoddwyd arddangosiad o'r Porth gan Emma Barton, y Rheolwr Canlyniadau Atal Trais. Dangosodd yr arddangosiad i'r rhai a oedd yn bresennol sut y gellir cael gafael ar ddata o'r Porth a sut y gellir eu defnyddio i ddeall y tueddiadau o ran trais yng Nghymru. Mae'r Porth yn cynnwys data dienw ar drais yng Nghymru ac mae'n galluogi defnyddwyr i gyfuno a chyflwyno ffynonellau newidynnau data gwahanol gan ddefnyddio amrywiaeth o gyfryngau, gan gynnwys graffiau, siartiau, tablau, adroddiadau a mapiau rhyngweithiol o ardaloedd lleol a chenedlaethol. Gall y Porth wella gwaith cydweithredu amlasiantaethol er mwyn atal trais, drwy alluogi defnyddwyr i ddefnyddio a chymharu data lleol a chenedlaethol o sawl ffynhonnell, gan gynnwys data ar iechyd a'r heddlu, i lywio'r broses o wneud penderfyniadau gweithredol a strategol.

Roedd y seminar hefyd yn cynnwys astudiaeth achos ar sut y mae data wedi'u defnyddio i lywio ymyriadau'r Uned Atal Trais. Roedd yr astudiaeth achos hon yn seiliedig ar yr ymgyrch sy'n mynd i'r afael â throseddau cyllyll, #DdimYrUn, a chafodd ei chyflwyno gan Daniel Jones, Pennaeth Uned Atal Trais Cymru a Bryony Parry, yr Arweinydd Cyfathrebu ac Ymgysylltu. Dangosodd y cyflwyniad sut mae data o'r Porth yn cael eu defnyddio i lywio gweithgarwch a neges yr ymgyrch. Roedd y cyflwyniad yn cynnwys gwybodaeth am ffynonellau amrywiol yr ymgyrch a'r ffordd y maent yn gwella ymgysylltiad cymunedol er mwyn lleihau ac atal troseddau cyllyll ymhlith plant a phobl ifanc, gan greu amgylcheddau cymunedol mwy diogel a Chymru fwy diogel i bawb. Cliciwch yma i wybod mwy am ymgyrch #DdimYrUn.